ســـــــلامــــــة عـــــيــــــونــــــــك

سلامة عيونك والوجع حلم طفل ونام
====== على صدر طفله و خانها لجل تدري به

لو الجرح مذنب ما قوت تعشق الاحلام
======= وطن ننتزع صوت الفرح من جلابيبه

ياعمري وانا مابين باقي سهر واحطام
======= تجمعت لك كني بحر ضاق موجي به

شعلت الشموع وساعتي تطعن الارقام
====== طعنت الشموع ومابقى فجر ماني به

احبك تنفست الورق واختنقت اقلام
====== احبك طفل ابعد حلومه عذاريبه

لك الله رسمت النجم والرعد والاجرام
====== ولا باقي الا رسمة الصدق والغيبه

كتبتك امل ياخذ عيوني مع الايام
====== مسحتك بدمعي وانتي اطهر مطاليبه

ياشمس المكان الارض ماتزرع الاقدام
====== يابرد المكان الشمس ماصدر تضوي به

لنا عام واحنا ننتضر ويش عقب العام
====== رحل عمر مامل الغلا من معازيبه

وش الآه : غير انسان عايش بغير هيام
====== وش الحب غير احساس ماينحرق طيبه

وانا يابعد ضحكة وريدي عليك انظام
====== مدام الوجع ليلا عواء من عوا ذيبه

احبك نصبت الشوق في قمة الاهرام
====== لحبك حضور وغيبتك كلها هيبه

على وين مدري كل ماقول لك قدام
====== تقولين نصعد بالسماء حلم ناجيبه

وانا من هذاك اليوم وآنا معك مادام
====== عيونك مكان وضحكتك صوت اغني به

ياطهر الزمن والريح ولت من الاعوام
====== ولا ذاب شوق انسان قلبه يولي به

وش آقول لو شعري تعثر علي وقام
====== وفتحت الورق مابين صدقه وتكذيبه

حكمت العمر ياغادة العمر بالاعدام
====== كفايه زرعت التوت فدوت عراقيبه

احبك يااغلا من سكن في جنون وسام
====== ولا ظن صوتي غايتي لجل انادي به

من احلى وطن ينساب فيني عطر وانسام
====== وارد احظنه مابين صمته ومكاتيبه

مثل مابجدة من شغف تحظن الدمام
====== مثل ماتذكر قدسنا وش تلابيبه

سلامة عيونك والعتب حلم طفل ونام
====== على صدر طفله و خانها لجل تدري به

لو الجرح مذنب ما قوت تعشق الاحلام
====== وطن ننتزع صوت الفرح من جلابيبه

سلامة عيونك والعتب حلم طفل ونام
====== على صدر طفله و خانها لجل تدري به

لو الجرح مذنب ما قوت تعشق الاحلام
====== وطن ننتزع صوت الفرح من جلابيبه

يعطيك العافيه على هالابيات الرائعه
تقبل مروري
أخوك/مهاوي

مهاوي
وجودك هنا..........غيمه زرقاء في وسط السماء بشهر آب
وجودك
قطرات من الماء

تساقط على صحرائي

لتروي شرايين قلبي وتنبت أزهار

وربيع

وسط صحراء قلبي التي أدمنتِ الجفاف والحريق والنيران
وجودك
غيمه زرقاء تحمل أمل بل أمال

تهطل بشهر جفاف الكون وسط صحرائي

المتناثرة برمالها لتروي عطش صحرائي

فأي غيمه أنتي آتيتي محمله بماء الحياة

أي ربيع يسكن بين قطرات وجودك

قد هطل خيرك بقلبي بموسم الجفاف

لاعدمتك

صح لسانك قصيدة رائعه ويسلمو على
هالابيات
الله يعطيك العافية ويبارك فيك
طرح رائع جدا
دمت بخير