تنادينـي بصـوت الشـوق .. حـتّـى ..

يا زينك .. لا زعلـت وقلـت : وينـك
مــن أيــام وليـالـي فاقديـنـك ..؟

تنادينـي بصـوت الشـوق .. حـتّـى ..
أجيـك بشـوق وأردد : يـا زينـك ..!

حبـيـبـي لا تنـاديـنـي تـرانــي ..
أحـس بحاجتـك لا شفـت عيـنـك ..!
حبـيـبـي لا تنـاديـنـي تـرانــي ..
أحسّك نبض .. قبـل تقـول : وينـك ..؟

حبيبـي والمشـاعـر لــك سبـايـا ..
تحكّـم .. مـن يسـارك لا يميـنـك ..!

يا كثـر النـاس .. فـي مجمـل حياتـي ..
ويا قلّ النـاس .. مـن بينـي وبينـك ..!

يا كـم مـدوا لـي الأيـدي .. يبونـي ..
ولا أغرانـي سـوى مـدّت يديـنـك ..!

أحبك .. وأبتعـد .. وأرجـع وأحبّـك ..
أبـي لـي حـلّ يـرحـم والديـنـك ..؟

دخلتـك روضـة إحسـاس وأمـانـي ..
أحـبّ الـورد .. وأعشـق ياسمينـك ..!

غرورك .. مع ثقـة نفسـك .. بنفسـك ..
هدوءك .. راحتك .. ذوقك .. حنينـك ..

تبسّامـك .. وتكشيـرك .. مـلامـك ..كلامك ..
ضحكتك .. صمتك .. أنينك ..!
جمالك .. ريحـة أنفاسـك .. وعطـرك ..
عيونـك .. عنقـك .. وغمازتيـنـك ..!
تشوّقنـي .. وأنـا طــور إنتـظـاري ..
يحيـن الوقـت .. أو وقتـي يحيـنـك ..؟
أخذنـي ديـن .. ف.. رقبتـك وغامـر ..
ولا يطـري عليـك .. تسـدّ دينـك ..!
وإخذنـي عاشـقٍ لا صحـت : وينـه ..؟
تراه أقرب من حجاجـك .. لـ عينـك

صح لساااانك ولسااان شاااعرها

قصيدة قمة الابدااع ربي يعطيكِ العااافيه
تقديري شموخ

شاكرة لمرورك تسعد حروفي وتضيءكلماتي
تتميز صفحتي بتواجدك وربيع ردودك
شكراا لكل حرف سطره قلمك الجميل وتناثر في صفحتي
لعل حروفي بشكرها أن تليق بمقام قلمك

كلام جميل

كلام في قمة الروعة والإحساس الجميل
مع تحيات عذب المعاني ( ابوهيونة )