(صباح الخير وريحة الهيل )
للهنوف/ اللي غلاهـا /سـارق ٍتفكيـري
كل ماسجيت عنها /جد بـي هوجاسـي
تسلب/ العقل الكبير/ وتستحـل أفكـاره
طيفها: لاأبعدت /زاورني /وطـار عماسـي
ترفة/ لاسولفت /ذاب العسل :مـن فمهـا
والجمر/ والثلج / عن: سرق النحل حراسي
غروة / لاسلهمت /كن :النواعـس شلفـا
من :يمين /ذياب بن غانم/ شديـد الباسـي
آه.. عزي لي / يابري الحال / مـن غرتهـا
من نعومتهـا :يغار/القطـن /والقرطاسـي
فارده/ مثـل :الجديـل / اللـي لياغطاهـا
تنستـر/ لـو إنهـا ماتلبـس أي :لباسـي
كنها: لاجت تبي شوفي / تحسـب خطاهـا
خصرها: من تحت فخم / وبالوسط مياسـي
فتنة ٍ/لوتنكشف: عـن جيدهـا /شيلتهـا
كان :طاحت قيمة /الياقـوت /والألماسـي
ذوبّتني في حلاهـا: مثـل / ذوب السكـر
لين صبّت لي /حلاوة /حبهـا فـي كاسـي
ياكثر: ماأضما لها/ وأكتب ..قصيدي فيهـا
علّها: لاأقفت /يرجعها الشعر /وإحساسـي
كل عرق ٍ/ في خفوقـي/ ينبـض لطاريهـا
شوفها /عشب الربيع / ومنـوة العساسـي
والله: إنه :ماعلي /لـو :لاأجلهـا سريتـه
ماشريته غيـر لرضاهـا/ وطنخـة راسـي