فلسفة حب

آه لـو تدريـن علـم الفلسفـة وش يعنـي كـان خليتنـي اسولـف معـك واتفلـسـف

علمهـا يقضـي بأنـي أبـحـر وتتبعـنـي ولـو تعمقنـا ببحـر الحـب مـا نتـوقـف

بالحـوار نعيـش يـا أقنعـك يـا تقنعنـي المهـم إنـا مـن الأفكـار مــا نتـأفـف

فلسفة حبـي تعـارض منـك كلمـة دعنـي وفلسفة حبك تقـول ارجـوك قلبـي يرجـف

ولـو لفيـت اطمْنَّـك فارجـوك لا تردعنـي خلنـي مـن ورد وجناتـك اجيلـك واقطـف

باقـةٍ فـي قلبـك المملـي وفـا تزرعنـي وقتهـا تصبـح حبيبـي بالقضيـة منصـف

لـو أكـون الِصِبـر بالفنجـال تتجرعـنـي ولـو تكـون السـم بتقهـواك مـا اتأسـف

خل ميزانـك علـى صـرح الوفـا يرفعنـي وخلني ارفع حداي علـى لحونـك واعـزف

كيـف علـم الفلسفـه لولايتـك رجعـنـي لين صار الشعر في عالم وصوفـك مسـرف

وكيف صار الشوق لأبيات الولـه يخضعنـي وصرت من مزن الدموع افتح عيوني واغرف

ولو رفعت الصـوت بالآهـات مـا تسمعنـي ليه يالمحبوب عن صحـوة غرامـي تعـزف

والله ان الهجـر مهمـا طـال مـا يمنعنـي عن أمل لقياك حتـى لـو جراحـي تنـزف

كان لـك رغبـة اجـي أرضيـك وتمتعنـي طب في بنك الوله وافتح حسابـي واصـرف

واطرح افكار الفـراق وبالوصـال اجمعنـي وقتها مهمـا كتبـت الشعـر مـا بتفلسـف

مخرج : هل الخروج يشبه الدخول ؟؟؟
وأيهما أهم .... ؟؟

يعطيك العافيه يالغلا
كلمات في قمت الابداع والروعه
تقبل مروري
مهاوي

مهاوي كتب:

يعطيك العافيه يالغلا
كلمات في قمت الابداع والروعه
تقبل مروري
مهاوي

ياسلام كلام جميل ورائع