stc الاتصالات

(موضوع منقول على ذمة الراوي)
اخواني اعجبني هذا الموضوع فحبيت انقله لكم

صرخة الموت


صرخة الموت لدى الأتصالات السعودية تلخصت في عروض متعددة مغلفه بقناع الكذب والدجل آخرها النصبه الكبيرة بعد اول 5 دقايق المكالمه مجان طيب حسبي الله عليك ليه تقطع الخط علي بعد 5 دقايق ليه ؟؟ ثم ليه بعد 5 دقايق ؟؟

لهيئة الأتصالات نقول اتقوا الله هذا استغفال للشعب والله استغفال لو كان هذا العرض او هذا التلاعب في مجتمع اوروبي لأنصف الناس من مثل هذه الشركة ولحوكمت قانونياً

ثم ارجعوا بالذاكرة شوي تذكروا الكرم الحاتمي من سعود الدويش ملك الأتصالات السعودية تذكرون تبرعاته السخية مره للمعاقين بـ 50 مليون ومره للمسسبي بـ مليار ومره لجنوب مدغشقر ومره لحي منفوحة بـ 5 ريال ومره لخالتي وجدتي وبنت عمي واختي من الرضاع بـ 85 ريال وانت ماشي ههههه طيب من سمح لك تتبرع بمال لشركة مساهمه ثم ماشاء الله شركة تتبرع بكل بساطه بمبلغ 50 مليون للمعاقين بكل بساطه يابوي والله لو حساباتك نضيفه اقسم بالله ماتطلع ولا نص ريال لكن لعل هذا تطهير للمال المسروق من الشعب


للعلم كلنا مسروقين وكل من دفع 10 الف ريال على رقم جواله بداية انطلاق الجوال بالسعودية ترا هو مالك في شركة الأتصالات والمفترض ان تقسم الشركة بين من دفعوا على هواتفهم 10 الف ريال و3500 بعد التخفيض ههههه حلوه بعد التخفيض المهم انهم ملاك للشركة وغصب عن الي مايرضى


تقول لي ليه اقول لك ان العشرة الآف اسسو بها البنية التحتيه وآخر شي لعبوا علينا ورجعوها لنا فواتير طيب ليه ترجعها لنا فواتير وهل انا وافقت .. ؟؟ انا عطيتك مبلغ 10 الف ورحت واسست بها ابراجك وبنيتك التحتيه وانتظرتك الين تخلص ماعطيتني رقمي مباشرة وصرت استخدمه فليه تستخدم مالي وتهين ابو كوثري الين تخلص من تجهيز شركتك بالله هذا باي دين او باي علم هو بدين اليهود ولا بدين النصارى ولا بدين المجوسيه ولا مين

ثم لماذا ياسعود الدويش تتاجر بجوالاتنا وتزعجنا بعز القايله وحنا طاقين الصفره تخبر عاطلين ولا عمل تزعجنا بالقايله وتزعجنا بعز الليل وتزعجنا وحنا بالصلاة نطلب ربنا وندعي عليكم تزعجونا برسايل دعائية على جوالاتنا اشترك في ولاتشترك في واذا اردت تلبس سروالك مقلوب اشترك في كذا واذا ترغب في معرفة جمال وجه زوجتك فاشترك في كذا واذا تبي تنظف موخرك جيدا فاشترك بكذا وهلم جرا وانت رايح من هالسوالف الوسخه وقلت الحياء طيب انت ياسعود الدويش ممثل شركة الأتصالات اخذت من الشركة هاذي المعلنه حقت الجوالات والدعايات خذت منهم مبلغ وقدره على مقابل ان تنشر لجوالاتهم وشركاتهم ومحالهم التجارية دعاية على جوالات العشب السعودي قصدي الشعب آسف الشعب الأبي طيب وين نصيبي من هالدعايه وهل انا سمحت لك ترسل لي هالرسايل وتزعجني بالقايله وحزت الشخير وسوالف الرومانسيه آخر الليل مع الزوجة الحبيبة امحق رومنسيه والله بهم ودين وغم وتالي الليل يانتطاق على مصروف ولا عزيمة امها واختها ولا روحه لملاهي وانت ماشي وسعود الدويش شغال يستنزف ارصدتنا المهم ماهو شغلكم انا وين نصيبي من هالدعايه هذا جوالي وملك لي ليه تتاجر به يالدويش


ثم هالفواتير الي تقول ضرايب لندن من يفكنا منها من يفكنا من هذا الغل والظلم تكفون من
سرق عيني عينك ولا تعرف انك مسروق الا اذا نقلت لموبايلي تبين لك كل شي وكيف ان نصف فاتورتك راح وتكتشف الوضع



بالمخلص المختصر والله مالقيتوا لكم من يقف امامكم ويشتكيكم على الملك او على ديوان المظالم ومني انا اخوكم ملاعب السيل متبرع للشعب السعودي لله ولا ابي شي وكلوني على مقاضاة الأتصالات السعودية في ديوان المظالم ابي توكيل منكم سجل ردك هنا بالموافقه ولا لكم الا من يقعد لهم ركبه بديوان المظالم


stc حياة افقر

تسلم مخاوي الافراح ,, ياذيب الغداري

[ندعوك للتسجيل في المنتدى أو التعريف بنفسك لمعاينة هذه الصورة]