قصيدة اعجبتني في من ثقالة دمهم تجعلهم لاينبلعون وعلى الزور مثل الشوكه الله يبعدنا عن شوفهم
ثقيل طينه وادم اصله من الطين
وانت اثقل الثقلين يارجل طينه
هرجك دبل كبدي وضحكتك غاطين
وتبي تفيصح وانت هرجك رطينه
ذا النون لو جيته تحت نبت يقطين
يعافها دامك نزلت بقطينه
لو حطك الله عن بلدنا بحطين
والا عمدت اعمان تنزل بطينه
والا مع الهكره وينحاك شطيين
مالك مجال مع اهل القلوب الفطينه
الهور يصلح لك وذيك المعاطين
بقيط مدري كيف يامبقطينه
مايجتمع عالين الامه ووطين
وياصبر نجد ومثل ذا ممتطينه
افصحت ولا المحت رمزا بتبطين
ماحيطته تحتاط من محبطينه
ياسعد ناس عن مجالسك مبطين
وعنك المقاطع بينهم شارطينه
بالله من فرقاك لو يوم تنطين
ياعلة الالباب لمخالطينه
[ندعوك للتسجيل في المنتدى أو التعريف بنفسك لمعاينة هذه الصورة]