اول وتــــــــــــــــلي
الله ... حسبي عليها بـأول وتالـي
موتي ودمّي وجرحـي مـن فعايلهـا
إحتّلت القلب فجأه.. وأشغلـت بالـي
أقوم وأقعـد وأنـا ماغيـر أخايلهـا
فوق وتحت هالبنّية شقّلبـت حالـي
كني على مرهـف الديبـاج شايلهـا
والله يلولا الملامـه لأرمـي عقالـي
وأربط شماغي وأعقده في جدايلهـا
ريمية ٍ في مهّـب الريـح تختالـي
أحلى الخصايل تحّلت من خصايلهـا
فيها شموخ الوزير وهيبـة الوالـي
والناس فيهـا تعّـدل حّـظ مايلهـا
وشلون لو قّدر الله .. تقعـد قبالـي
ما تطفي النـار لـو شبّـت فتايلهـا
جّت عيني بعينها والشـوق يبرالـي
وقريت في عينهـا معظـم رسايلهـا
بأجنّب الـدرب دامـه مـا تهّيالـي
وأصّبر النفس يـوم ويـوم أحايلهـا
يا قلب !! ذيك الغزاله .. فوق بالعالي
لأنته بتوصل لهـا ولأنتـه بطايلهـا
يا قلب ... لا عاد تعشق بنت طّوالي
تذكـر الكلمـة اللـي كنـت قايلهـا
موضوع: الله حسبي عليها باول زتالي 
الإثنين أكتوبر 19, 2009 6:47 am
